Wednesday, March 29, 2017

ශ්‍රී ලාංකීය විදියට පරිසර හිතකාමී වෙමු බෝඩ් එකෙන්

මාස 7කට කලින් ලියපු කථාව - මුහුණු පොතේ ලින්කුව

බ්ලොග් පොස්ට් එකක් නැහැ එකට මොකෝ ඒ කාලේ බ්ලොග් එකක් ලියන්ඩ හිතල තිබ්බෙත් නැහැ.... කලාහිත නම් දැම්ම මේක මගෙන් ඉල්ලගෙන එයාගේ බ්ලොග් එකේ - Coal War කියල ලිපියක්... .... හැබැයි ඉතින් මම ඉස් ඉස්සෙල්ලම මේ සිංහල බ්ලොග් ලෝකේ රහ බැලුවේ ඒ සාකච්චාවට සම්බන්ධ වෙලා... එකට මගේ හිතේ කලාහිතට ඇති ගෞරවේ නැති වෙන්නේ නැහැ....







ඒ කියපු "ස්වභාවික වායු බලාගාරය LNG " බෝඩ් එක තියෙන "ඩීසල් බලගාරේ" හදන්ඩ දාපු ටෙන්ඩර් පත්‍රිකාව  
මේකේ අවසන් දිනය දිගු කරලා තියෙන හින්ද තව සැහෙන තරඟකාරයෝ ටිකක් එයි මේක හදල පරිසරේ සංරක්ශනේ කරන්ඩ ...


මේ සැරේ නම් රු. 45.75 ටත් යුනිට් එකක් දෙන්නේ නැති වෙයි.... ප්‍රාග්ධන වියදම් වැඩි වෙලා රුපියල අව ප්‍රමාණ වෙලානේ  තියෙන්නේ - ආහ් එහෙමද?





මත්තල ගුවන්තොටුපල විකුණලා ඒ වගේ හතර ගුණයක් අවුරුද්දකට පාඩු කරගමු මේ අලුත් බලාගරේ දුවලා .... හරියට නිවැරදිව පෝෂණයක් ලැබෙන ආහාර වේලක් දිනපතා කෑමට නැති, ළමයාගේ මූලික අධ්‍යාපන අවශ්‍යතා සපුරගන්ඩ බැරි, දෛනික අවශ්‍යතා වලට මුදල් හොයන්ඩ මැද පෙරදිග ගෘහ සේවයට ගෙදර ඉන්න අම්මා , බිරිඳ නැත්තන් සහෝදරියව යවන, ගේ ඇතුලේ දුම් ගොඩක් ගහගෙන උයල මදුරු කොයිල් පත්තු කරන් ඉන්න, එළවලු වලට වැඩිය කෘෂි රසායන තියෙන එළවලු කන මිනිස්සුන්ට අපි සස්ටෙනබ්ලේ නමක් තියෙන විදුලිය බලාගරෙකින් විදුලිය හදල ඔවුන්ව පරිසර දූෂනෙන් මැරෙන එකෙන් බේරාගමු.... අර රට ගියපු  මිනිස්සු එවන විදේශ විනිමයෙන් ඩිසල් ගමු මේවා දුවන්ඩ .....ඒ අතරේ LNG ගැන ගුණ වයල පත්තරේ ලොකු ලිපියක් (සුද්ද කියපු ඒවගෙන් නැතුව අපි මොකුත් පර්යේෂණ කරලා නෙවෙයි) ලියල ටීවී එකේ පැය දෙකක වගේ ප්‍රභාශ්වර පුනර්ජනනීය ටෝක් එකකුයි දෙමු ..ඒවා අහල පරිසර සංරක්ෂනේ ගැනයි විජාතික බලවේග වලින් රට බේරගන්න නායකයෝන්ගේ කථා ටිකයි (ලක්ෂ 400 වාහන එපැයි ඕවා කරන්ඩ - එකොනොමට්ටගේ ලිපිය)  මෙගා ටෙලි ටිකයි බලල මිනිස්සු දරු පවුලත් එක්කම  සැනසිල්ලේ  නිදා ගනියි ගේ ඇතුලේ තියෙන දූෂිත වාතය ආශ්වාස කරමින් ... අපි වගේ පරිසර හිතකාමී ජාතියක් මේ තුන් ලෝකෙම නැතුව ඇති!




මේවට තමා කියන්නේ පය බරවායට පිටිකර බෙහෙත් බඳිනවා කියල....

පීලින්ග් සස්ටෙනබ්ල් විත් ශ්‍රී ලන්කන් එන්විරෝන්මෙන්ටලිස්ට්ස් ඇන්ඩ් සිරි ලංකාවාසීන් 

නදීර විජේසිංහ 

Monday, March 27, 2017

මගෙන් මේ දවස්වල අහන ප්‍රශ්න වල සාරාංශයක්



මම විනෝදෙට කරපු දේ (විනෝදාංශේට) ලැබෙන පාඨක සහ මිතුරුමිතුරියන්ගේ ප්‍රතිචාර වැඩි වී ඇත - නෙලුම් යාය බ්ලොග් සම්මානය ලැබීමෙන් පසු. එම නිසා ඒවා සාරාංශ කොට මෙසේ පල කරමි.

- ඕව ලියන්ඩ වෙලාව කොහෙන්ද?

- කන්තෝරුවේ වැඩ අඩුද?

- ඔය කරුණු/දත්ත ඔක්කොම හොයා ගත්තේ කොහෙන්ද? කියවන්න වෙලාව තිබ්බද?

- අහවල් මාතෘකාව ගැනත් එකක් ලියන්න බැරිද?

- බ්ලොග් එකෙනුයි ෆසේබූක් එකෙනුයි රට හදන්ඩ ද යන්නේ?

- ඔය බ්ලොග් ලියන එක ඔයාගේ තත්වෙට ගැලපෙන්නේ නැහැ නේද?

- අන්තිමේට ඕකෙන් මිනිස්සු තරහ වෙයි නේද?

- ආයේ ආණ්ඩුවේ නම් රස්සාවක් කරලා ඉවරයි 

- ඔයා පුනර්ජනනීය බලශක්තියට විරුද්ධද?

- සරලව ලියල තියෙනවා අපිටත් තේරෙන්න 

-ඕවා ගොඩක් මිනිස්සුන්ට තේරෙන්නේ නැහැ කොහොම කිව්වත් 

- අපි දැනන් හිටියේ නැහැ නේ ඕක ඔච්චර ගණන් කියල... ආණ්ඩුවේ වාර්තා හරි ඇති නේ? 

- ඔය ලියන එකට සල්ලි හම්බ වෙනවද (ඩොලර් කුට්ටි)?

- ඕව ලියන වෙලාවේ තමුන්ගේ දියුණුවට වැඩක් කරගත්ත නම් හොඳයි නේද?

- අපි නොදකින පැත්තක් කථා කරලා තියෙනවා

- මොකද බන් උඹට වුණේ? 

- උඹ මොකෝ එක පාරම මේ ලියන්ඩ ගත්තේ?

- සිංහලෙන් වැඩිපුර ලියපන්

- තව ඉංග්‍රීසි ඒවා ටිකක් ලිව්වා නම් හොඳයි නේද?

- යකෝ අපේ පරිසරේට තියෙන ආදරේ මුං බිසිනස් එකක් කරන් නේ... උඹ කියනකන් පෙනුනේ නැහැ නේ 

- උඹ ලියන ඒවා ශෙයා කරන ලයික් කරන ෆෝවඩ් කරන එවුන් ඕව කියවනවා කියලද හිතන් ඉන්නේ? 

- ඕකෙන් සල්ලි හොයන විදියක් හිතල බලපන් 

- ආපහු ලංකාවට අවොත් ලියන්නේ නැති වෙයි නේද?

- දිගටම ලියපන් කම්මැලි නොවී 

- ඔය කතා කරන දේවල් දේශපාලනිකයි නේද?

- ටිකක් පරෙස්සම් වෙලා ඉන්ඩ කෝකටත්

මේවගෙන් සමහර ඒවාට උත්තර මා ගාවත් නොමැති බව කරුණාවෙන් සලකන්න!

තවත් ප්‍රතිචාර ඇති නම් මා වෙත ලබාදීමට කාරුණික වන්න!

Wednesday, March 22, 2017

දෑකැති සොලොවති කුඹුරක් ඇස නොගැටුණු දරුවෝ

"ගොයම් නැටුමකට දෑකැති සොලොවති කුඹුරක් ඇස නොගැටුණු දරුවෝ "




අද උදේ මේ සින්දුව ඇහෙද්දී මට මතක් වුනේ අපේ බලශක්තිය ගැන හැමෝටම උපදෙස් දෙන පරිසරවේදියෝ ටික..... බලශක්ති ඔස්තාද් වගේ කෑ ගැහුවට ජෙනරේටර් එකක් දුවන හැටි දන්නේ නැහැ.... හැබැයි ටීවී එකේ පත්තරේ හොඳට රඟ දක්වනවා....
ඊට පස්සේ ටික 
"කලගෙඩි නැටුමට කලගෙඩි සොලවති නල වතුරෙන් සැනහෙන දරුවෝ"
මේකෙන් මේ කියන්නේ හැමදාම පුනර්ජනනීය කතා ටිකක් ටීවී එකෙයි පත්තරෙයි දාල පස්සේ ඩිසල් විදුලි බලාගාර පස්සේ දුවල ඩිසල් වලින් විදුලිය හදන එක ගැන..... ටැප් එකෙන් වතුර බිව්වට... ලිඳට ආවඩල පෙන්නන්නේ කලගෙඩි නැටුම්....

"දෙපා සැලෙන මුත් බෙර කවි තාලෙට කරලිය හිමි නැති අපේ ළමයි....
හේනට කුඹුරට ගත සවි දියකර කරළිය අබියස බලා සිටි"
මේ ඉතින් අර බලශක්තිය පිලිබඳ මනා දැනුමක් ඇති නමුත් ඔවුන්ගේ බසට රටේ නායකයෝ කන් දෙන්නේ නැති විෂය පිලිබඳ ප්‍රවීණයෝ.... මේ ගොල්ලෝ අර නැටුම බලාගෙන ඉන්නවා.....


"තිරය ඇරෙනවා තිරය වැහෙනවා...." - මේ ඉතින් අර ෂෝ එක කාලෙන් කාලෙට කරනවා... ඩිසල් වලින් විදුලිය හදන කාලෙට කට වහන් ඉන්නවා... ගල් අඟුරු සැලසුමක් අවොත් ආපහු පුනර්ජනනීය නැටුම පටන් ගන්නවා ......
"ඔල්වරසන් හඬ පැතිරෙනවා" - මේ අර ගල් අඟුරු සැලසුම කඩා ඉහිරවලා දෙන පොර ටෝක් ටිකයි එකට ඔල්වරසන් දෙන අපේ හුදී ජනයෝ ටිකයි....


ගීත විචාරයක් නම් මීට කලින් කරලා නැහැ... හැබැයි අද උදේ කෑම කනකන් මේ සින්දුව අහන් ඉන්දැද්දී හිතුනේ මෙහෙම තමා
"සඳලුතලෙන් බැස මානවිකාවන් තාලෙට ඉඟ සුඟ නටවනවා...."

මානවිකාවන්ගේ ඉඟ සුඟ දිහා බලන් ඉමු අපි ඉතින්!

පීලින්ග් පරිසර හිතකාමී විත් සිරි ලන්කන් එන්වෛරෝන්මෙන්ටලිස්ට්ස් ..........
-නදීර

Thursday, March 16, 2017

ලංකාවේ බලශක්ති අර්බුදය සරලව සිංහලෙන් ( පළමු කොටස)




මා විසින් මෙහි පළකල ලිපියේ අනුවාදයක් Roar සිංහල වෙබ් අඩවියේ වැඩි සිංහල පාඨක පිරිසකගේ රසාස්වාදයට සහ දැනුමට පලකල බැවින් ප්‍රකාශන අයිති පිලිබඳ මතවාදයක් ඇති විය හැකි බැවින් මා විසින් ස්වේච්ඡාවෙන් මෙය ඉවත් කර ගන්නා ලදී.

මෙම ලිපිය පහත දිගුවෙන් පිවිසි ඔබ සැමට මා සමග මෙහි කෙරෙන සංවාදය සුපුරුදු පරිදි කරගෙන යෑමට මාගේ බ්ලොග් පාඨක ඔබට ආරාධනා කරන අතර අපහසුතාවයක් සිදු වුයේ නම් ඒ පිළිබඳව මාගේ කණගාටුව පලකරමි.


ශ්‍රී ලංකාවේ බලශක්ති අර්බුදය සරලව (පළමු කොටස)




Wednesday, March 15, 2017

මිථ්‍යාව සමාජ ගත කරන රාජ්‍ය උපදේශකගේ කථා වස්තුව

මාර්තු මස 15 වැනි දින දිවයින පුවත්පතේ පලවූ “ගල් අඟුරු බලාගාර මිත්‍යාව” නමැති ලිපියට පිළිතුරු ලිපියකි






මම ඊයේ දාපු බ්ලොග් පොස්ට් එකට කලාහිත බ්ලොග් එක ලියන කල්‍යාණ මිත්‍ර අහල තිබ්බ ඉහත කාරණේ ගැන..... මම ඊයෙම මේකට පිළිතුරු ලිපියක් ලියමින් හිටියේ! ඉතින් ඔබ සැමගේ වින්දනයට/දැණුමට සහ කමියගේ කොමෙන්ටුවටත් ප්‍රතිචාරයක් විදියට  පිළිතුරු ලිපිය අදම පල කරනවා!

මෙහි සඳහන් සියලුම කරුණු වලට හා සංඛ්‍යා ලේඛන වලට අදාළ මූලාශ්‍ර හය්පර්ලින්ක් කොට ඇත.

පළමුවෙන් පැවසිය යුත්තේ එම ලිපියේ ලියුම්කරු පවසන පරිදි ගල් අඟුරු භාවිතයෙන් තොරව එම ජාතික බලශක්ති අවශ්‍යතාවය පුනර්ජනනීය බලශක්ති ප්‍රභව වලින් ප්‍රයෝගිකව සපුරා ගැනීමට හැකි නම් එය ඉතාමත් අගය කල යුතු ක්‍රියාවක් බවය. පැසසිය යුතු සහ සියල්ලන්ගේම ආශීර්වාදය සහයෝගය ලැබිය යුතු ක්‍රියාවක් බවය.

කලින් බ්ලොග් එකේ දාපු ලිපියකින් මම සරලව විස්තර කරා නොපෙනෙන විදුලියේ ටිකක් සංකීර්ණ කතාවක් සරලව - අපට රටක් වශයෙන් පුනර්ජනනීය විදුලියෙන් පමණක් යැපීමට ඇති ප්‍රයෝගික නොහැකියාව - "මොකටද බොලව් ගල් අඟුරු බලාගාර? දන්නේ නැද්ද සූර්ය, සුලන් බලාගාර ගැන?? "

ඉහත සඳහන් ලිපියේ ලියුම්කරු විසින් ඉතා මනරම් පුනර්ජනනීය ෆැන්ටසියක් මවා පැවද සැබවින්ම තිරය පිටුපස සිදුවන්නේ කුමක්ද යන්න විමසා බලමු.

යෝජිත සාම්පුර් ගල් අඟුරු බලාගාරයට විරුද්ධව උද්ගෝෂණය කල සහ එයට විරුද්ධව ක්‍රියා කල පරිසර සංවිධාන හා වෙනත් සංවිධාන (ඩිසල් විදුලි බලාගාර වලින් මුදල් ඉපැයීමට සිතාගෙන මෙම විරෝධතා ව්‍යාපාර වලට සම්බන්ධ වූ පිරිස හැරෙන්නට) බලාපොරොත්තු වුයේ එම ව්‍යාපෘතිය නතර කොට එම විදුලි ජනන ධාරිතාව පුනර්ජනනීය විදුලියෙන් පිරිමසා ගනු ඇති බවයි. නමුත් යතාර්ථය වුයේ අනෙකකි - එනම් 2016 සැප්තැම්බර් 14 වැනි දින (සාම්පුර් ව්‍යාපෘතිය නතර කරන බවට නීතිපතිවරයා උසාවියට දැන්වූ දිනට පසු දිනම) රජය විසින් මෙගාවොට් 300ක ස්වභාවික වායු බලාගාරයකට (natural gas ) ටෙන්ඩර් කැඳවීමයි. මේ දෙස මතුපිටින් බලන්නෙකුට මෙය ඉතාමත් කාලෝචිත සහ පරිසර හිතකාමී පියවරක් ලෙස පෙනෙනු ඇත. නමුත් අප සිහි තබා ගත යුත්තේ මෙම ස්වභාවික වායු බලාගාරය අඩුම වශයෙන් ඉදිරි වසර 5 - 10 කාලය තුල ක්‍රියාත්මක වන්නේ ඩිසල්  බලාගාරයක් (දැවි තෙල්) ලෙසය. මෙසේ ස්වභාවික වායු බලාගාරයක් ලෙස සාදා ඛනිජ තෙල් වලින් ක්‍රියාත්මක වන ආකාරයේ ප්‍රථම බලාගාරය මෙය නොවේ. පසු ගිය අවුරුදු 9 පුරාවට ක්‍රියාත්මක වන කෙරවලපිටිය බලාගාරය මෙවැනි බලාගාරයකි - එනම් ඛනිජ තෙල් වලින් ක්‍රියාත්මක වන ස්වභාවික වායු බලාගාරයකි.

මෙවැනි බලාගාරයකින් විදුලිය සැදීමෙන් අප ආර්ථිකයට සිදුවන්නේ සුළු පටු පාඩුවක් නොවේ.

විදුලි ඒකකයක් සඳහා පිරිවැය
කෙරවලපිටිය බලාගාරය (ඛනිජ තෙල් භාවිතයෙන් ක්‍රියාත්මක වන ස්වභාවික වායු බලාගාරය)
රු . 45.75
නොරොච්චෝලේ බලාගාරය (ගල් අඟුරු)
රු.. 7.63
විදුලි උත්පාදනයට වියදම් වන මුදල - මූලාශ්‍රය මහජන උපයෝගීතා කොමිසම 2015 වාර්තාව (Source - 2015 PUCSL Generation Report)

යෝජිත මෙවැනි ඛනිජ තෙල් වලින් ක්‍රියාත්මක වන බලාගාරයකින් මෙගාවොට් 500 ක ධාරිතාවක් සපුරා ගැනීමට ගල් අඟුරු වලට සාපේක්ෂව වර්ෂයකට  රුපියල්  බිලියන 133 අතිරේක මුදලක් වැය කිරීමට සිදු වේ. කණගාටුවට කරුණ වන්නේ මෙම රුපියල් බිලියන 133 වැය කරනුයේ නව කර්මාන්තශාලා ඉදිකොට නව රැකියා ලබාදීමටවත්, නව විදුලි බලාගාර සදීමටවත් නොව පෞද්ගලික සමාගම් කිහිපයකට ඩිසල් මගින් හදිසි අවශ්‍යතාවය මත විදුලිය උත්පාදනය කිරීමට මුදල් ගෙවීමටය.

සැලසුම් කර තිබු එකම ගල් අඟුරු බලාගාරය අවලංගු කරන විට අපගේ දේශපාලන  නායකයන්  ජනතාව ඉදිරියේ (ජාතික ප්‍රතිපත්තියකින් තොරව ) නොයෙකුත් පුනර්ජනනීය කතා මවා පැවද සැබෑවටම තිරය පිටුපස සිදුවන්නේ මෙයයි. මෙම අතිරේක රුපියල් බිලියන 133 වාර්ෂික ඩිසල් බලාගාර සඳහා ගෙවීම යනු සැම අවුරුද්දකම මත්තල ගුවන්තොටුපල වැනි ගුවන්තොටුපළවල් හතරක් සැදීමට ප්‍රමාණවත් මුදලකි.

මෙසේ ඩිසල් විදුලි බලාගාර සෑදු විට අප පරිසරවේදීන් කිසිවෙකුත් ඊට විරුද්ධව හඬක් නගන්නේ නැත. නමුත් මෙසේ සාදන කුඩා පරිමාණ ඩීසල් බලාගාර වලින් පරිසරයට සිදුවෙන හානිය ඒ හා සමාන ධාරිතාවක් ජනනය කිරීමට සමත් මහා පරිමාණ ගල් අඟුරු බලාගාරයකට වඩා වැඩිය. නමුත් අප පරිසරවේදීන් මේවා ගැන අවදියෙන් සිටින්නේ නැති අතර "ස්වභාවික වායු බලාගාරය" කියල බෝඩ් එකක් දාල ඩිසල් බලාගාර හදපුවහම ඒක දිහා ඇහැක් ඇරලා බලන්නේ නැහැ....

කිසිදු සැලසුමකින් තොරව මෙසේ අවුරුදු ගණනක් ජාතික ධනය සහ විෂය පිලිබඳ ප්‍රවීනයයන්ගේ කාලය යොදවමින් සකස් කල ව්‍යාපෘතිය අවසන් අදියරේ අවලංගු කොට එම තීරණයෙන් මාස හතරකට පසු විෂය භාර ඇමතිතුමා මාධ්‍ය නිවේදනයකින් පැවසුවේ මීළඟ මාස 6 තුල වර්ෂාව නොලැබී ගියහොත් විදුලි කප්පාදුවක් සිදුවීම වැලක්වීමට මහා බණ්ඩාගාරයෙන් රුපියල් බිලියන 50ක මුදලක් ඉල්ලා ඇති බවය. මෙම මුදල යනු අප රටේ ගෘහ සේවිකාවන් ලක්ෂ දෙකක් මැද පෙරදිග මාස 6 සේවය කොට උපයන මුදලට සමාන මුදලකි.


මෙහෙම චිත්‍රයක් මවා පාලා සැලසුම් කරපු ව්‍යාපෘති අවලංගු කරපු වෙලාවේ මීට හොඳයි වැස්ස වහැපියෝ කියල කොළ අතු ඇඳන් ගෝත්‍රික නැටුමක්  නැටුවා නම් !

මෙවැනි විනාශයක් අප ආර්ථිකයට සිදු කරගත්තේ ඛනිජ තෙල් වලින් විදුලිය සැදීමට නොව පුනර්ජනනීය බලශක්ති වලින් විදුලිය සැදීමට බව බොහෝ දෙනෙකුට අමතකය. “ගල් අඟුරු බලාගාර මිත්යාව “ නමැති ලිපියේ ලියුම්කරු  නොපවසන බොහෝ දෙනෙකුට නොපෙනෙන යථාර්තය මෙයයි.

අනික් එක ඉතින් සාමාන්‍යපෙළ අසමත් මන්ත්‍රීවරු 94 ඉන්න පාර්ලිමේන්තුවේ ඉන්න ඇමතිවරු මේ වගේ උපදේශකවරුන්ගෙන් උපදෙස් ගන්න එක පුදුමෙකුත් නෙවෙයි.

ජාතික ප්‍රතිපත්තියක් නොමැතිව ප්‍රතිපත්තිමය තීරණ ගැනීම


මේ සම්බන්ධයෙන් වෙනම බ්ලොග් පොස්ට් එකක් අප බ්ලොග් එකේ ලියා ඇත.


සංවර්ධිත රටවල් වල ගල් අඟුරු යථාර්තය

සංවර්ධිත රටවල් ගල් අඟුරු වලින් ඉවත් වෙන බවත් ඒවා නොසාදන බවත් යථෝක්ත ලිපියේ ලියුම්කරු සඳහන් කොට ඇති බැවින් පහත නිදසුන සමග මෙම ලිපිය අවසන් කරමි.

අප පුනර්ජනනීය බලශක්තිය සඳහා උදාහරණයක් ලෙස යොදා ගන්න ජර්මනිය තවමත් එරටේ ජාතික විදුලි අවශ්‍යතාවයෙන් 44% නිෂ්පාදනය කරනුයේ ගල් අඟුරු භාවිතයෙනි.

moorburg_02.jpg

ඉහත ඡායාරූපයෙන් දැක්වෙන්නේ ජර්මනියේ ඇති නවතම මෙගාවොට් 1500 ක (සාම්පුර් යෝජිත බලාගාරය මෙන් තුන්ගුණයක් විශාල) ගල් අඟුරු බලාගාරයකි - මූර්බුග් බලාගාරය . මෙය ඉතා ඈත අතීතයේ ඉදි කල බලාගාරයක් නොවේ. මෙම බලාගාරය විවෘත කරන ලද්දේ 2015 වර්ෂයේදීය. තවත් වැදගත් කරුණ වන්නේ මෙම බලාගාරය පිහිටා ඇත්තේ යුරෝපයේ හරිත අග නගරය ලෙස පිදුම් ලැබූ හැම්බර්ග් නගරයේය! එම බලාගාරය පිහිටා ඇති ප්‍රදේශයේ සශ්‍රිකත්වයත් ජර්මනිය රටක් ලෙස ලබාගෙන ඇති සෞභාග්‍යත්වයත් දෙස බුද්ධිමත් පාඨක ඔබට විස්තර කිරීම අනවශ්‍යයයි සිතමි.

එහෙත් ශ්‍රී ලංකික අපි? සිතීම ඔබට භාරය!



ප. ලි - තව එකක් මම පහුගිය කාලේ (ඒ කියන්නේ මේ එක එක ඒවා ලියන්ඩ ගත්ත කාලේ ) තේරුම් ගත්ත දෙයක් තමා සිංහල පත්තර වල කතුවරු නිවැරදි මූලාශ්‍රයක් පදනම් කරගෙන තාර්කිකව යමක් කියද්දී එක පත්තරේ පල කරන්ඩ මැලි වෙනවා... ලංකාවේම ඉංග්‍රීසි පත්තරවල මේ ට්‍රෙන්ඩ් එක අඩුයි... නැත්තේම නැහැ නෙවෙයි... සාපේක්ෂව අඩුයි... පත්තරේ ඉතින් ලියන්නේ ඉල්ලුමට සැපයුමක් දෙන්ඩ නේ.. මගෙන් සමහර කතෘල කෙලින්ම අහල තියෙනවා ඔය සාම්පුර් හොඳයි කියන්නේ නැතුව බලශක්ති අර්බුදේ ගැන ලිපියක් ලියල දෙන්ඩ බැරිද කියල .. එකම රටේ වුණාට මේ භාෂා දෙකකට ඉන්නේ පාඨකයෝ දෙගොල්ලක්ද මන්ද ... හැබැයි ඉතින් මම නම් වැඩියෙන් කැමති සිංහලෙන් ලියන්න... ඒක හින්ද එහෙම ලියන ඒවා fb එකෙයි බ්ලොග් එකෙයි දානවා....

අපේ පරිසරවේදීන්, ජාතික ප්‍රතිපත්ති හා ජාතික ආර්ථිකය

ඇතිවියහැකි පාරිසරික ප්‍රශ්න හේතුවෙන් යෝජිත මෙගාවොට් 500 සාම්පුර් ගල් අඟුරු බලාගාර ව්‍යාපෘතිය නතරකොට දැනට මාස හයකට ආසන්න  කාලයක් ගතවී ඇත.


සාම්පුර් නතර කිරීමේ පසුබිම

යෝජිත සාම්පුර් ව්‍යාපෘතිය මධ්‍යම පරිසර අධිකාරියෙන් අවශ්‍ය පාරිසරික අනුමැතිය ලබාගෙන තිබියදී රජය විසින් කුමන පදනමක් යටතේ එම ව්‍යාපෘතිය පාරිසරික පදනම යටතේ අවලංගු කරේද යන්න බලවත් ප්‍රශ්නයකි.
අංක 47 දරන 1980 ජාතික පරිසර පනත මගින් ශ්‍රී ලංකාවේ පාරසරික කරුණු සම්බන්ධයෙන් ක්‍රියා කිරීමට බලාත්මක කොට ඇති මධ්‍යම පරිසර අධිකාරිය විසින් ලංකාවේ පවතින නීති රීති වලට අනුව අවශ්‍ය අනුමැතිය ලබා දී ඇති ව්‍යාපෘතියක් පවතින රජය මගින්ම පාරිසරික සාධක මත පදනම්ව අවසන් මොහොතේ අවලංගු කිරීම අප රාජ්‍ය යාන්ත්‍රණයේ ඇති අකාර්යක්ෂමතවත් ජාතික ප්‍රතිපත්ති වල ඇති කාලීන බවත් නැවතත් විමසුමට ලක් කල යුතු බව අපට පසක් කරවයි.


ජාතික ප්‍රතිපත්තියකින් තොරව ප්‍රතිපත්තිමය තීරණ ගැනීම

බලශක්තිය සඳහා ඇති ජාතික ප්‍රතිපත්තිය කල් ඉකුත්වී අවුරුදු 7 ගතවී ඇති අතර අලුතෙන් රටට ගැලපෙන ප්‍රතිපත්තියක් සෑදීමෙන් තොරව රටේ දේශපාලන නායකත්වය රටේ ඇති එක් එක් බලශක්ති ව්‍යාපෘති සඳහා “ප්‍රතිපත්තිමය තීරණ” ගණු ලබන බව විෂය භාර ඇමතිවරයාගේ සහ ජනාධිපතිවරයාගේ ප්‍රකාශවලින් පෙනී යයි. රටක බලශක්තිය සහ පරිසරය පිලිබඳ තීරණ ගත යුත්තේ සහ ප්‍රතිපත්ති සකස් කල යුත්තේ දශක කිහිපයක් ඉදිරියට හිතාය.


අවුරුදු 5 පමණ කාලයක් සැලසුම් කල යුතු සංකීර්ණ සාම්පුර් වැනි ව්‍යාපෘතියක් අවසන් මොහොතේ (මෙහි ඉදිකිරීම් කටයුතු කිරීමට අදාල සමාගම භූමියට පැමිණ සිටි අවස්ථාවේ) අවලංගු කිරීමත් කෙටි කාලීනව බලශක්ති අර්බුදය විසඳා ගැනීමට දැන් ඩීසල් බලාගාර සඳහා අධික පිරිවැයක් දරා යොමු වීමත් අප ජාතියක් ලෙස සැලසුමකින් තොරව තීරණ ගන්නා බවට සාක්ෂි දරයි.

සාම්පුර් නතර කිරීමේ මූලික අරමුණු

සාම්පුර් ව්‍යාපෘතියට එරෙහිව පරිසර සංවිධානයක් වන “සීමාසහිත පාරිසරික පදනම” - EFL විසින් ශ්‍රේෂ්ටාධිකරණයේ පවරන ලද නඩුව මගින් සාම්පුර් ව්‍යාපෘතිය ලබාගෙන ඇති පාරිසරික අනුමැතිය අභියෝගයට ලක් කර එම ව්‍යාපෘතිය අවලංගු කරන මෙන්ද බලශක්ති ප්‍රභවයක් ලෙස ලංකාවේ ගල් අඟුරු භාවිතය නතර කරන මෙන්ද ඉල්ලා තිබිණ. උසාවියේ නඩු තීන්දුව ලබාදීමට ප්‍රථම නීතිපති වරයා විසින් 2016 සැප්තැම්බර් 13 වැනි දින සාම්පුර් ව්‍යාපෘතිය ඉදිරියට නොයන බව උසාවියට දැන්වීමෙන් පසුව නිල වශයෙන් යෝජිත ව්‍යාපෘතිය අවසන් විය.


මෙම ව්‍යාපෘතියට විරුද්ධවූ බහුතරයක් විශේෂයෙන් පරිසරවේදීන් බලාපොරොත්තු වුයේ මෙම මෙගාවොට් 500 ක විදුලි ජනන ධාරිතාව පුනර්ජනනීය බලශක්ති මගින් හා ස්වභාවික වායු මගින් සපුරා ගනු ඇති බවයි.


නමුත් ඇත්තටම සිදුවන්නේ කුමක්ද? අප රටක් ලෙස පරිසරයටත් ආර්ථිකයටත් සාධාරණයක් ඉටු කරමින් පවතින්නේද? මදක් විමසා බලමු!

සාම්පුර් වලින් ඔබ්බට

මෙම ව්‍යාපෘතියට විරුද්ධව හඬ නැගු බොහෝදෙනා බලාපොරොත්තු වූ පරිදි රජය සහ අදාළ බලධාරීන් විදුලි ජනන අඩුව පිරිමසා ගැනීමට පුනර්ජනනීය බලශක්ති (සුලන්, සූර්ය ) හෝ පරිසර දූෂණය අඩු පොසිල ඉන්ධනයක් වන ස්වභාවික වායු වැනි ශක්ති ප්‍රභව සැලකිල්ලට ගත්තේ නැත. ව්‍යාපෘතිය නතර කර දිනට පසුදිනම සැප් 14, 2015 රජය මෙගාවොට් 300ක ස්වභාවික වායු බලාගාරයකට ටෙන්ඩර් කැඳවන ලදී. මෙහි ඇති සිනහසහගත කරුණ වන්නේ මෙම ස්වභාවික වායු බලාගාරය ක්‍රියාත්මක කිරීමට ඉන්ධනය ලෙස භාවිතා කරනුයේ ඩිසල් සහ දැවී තෙල්ය. මෙසේ ස්වභාවික වායු බලාගාරයක් සාද  ඛනිජ තෙල් මගින් ක්‍රියාත්මක වන පළමු මෙවැනි බලාගාරය මෙය නොවේ. දැනට අවුරුදු 8 පුරාවට ක්‍රියාත්මක වන මෙගාවොට් 300 ක ධාරිතාවයෙන් යුක්ත කෙරවලපිටිය තාප විදුලි බලාගාරය (යුගධනවී බලාගාරය) මෙයට හොඳම උදාහරණයයි.

විදුලි ඒකකයක් සඳහා පිරිවැය
කෙරවලපිටිය බලාගාරය (ඛනිජ තෙල් භාවිතයෙන් ක්‍රියාත්මක වන ස්වභාවික වායු බලාගාරය)
රු . 45.75
නොරොච්චෝලේ බලාගාරය (ගල් අඟුරු)
රු.. 7.63
විදුලි උත්පාදනයට වියදම් වන මුදල - මූලාශ්‍රය මහජන උපයෝගීතා කොමිසම 2015 වාර්තාව (Source - 2015 PUCSL Generation Report)


යෝජිත මෙවැනි ඛනිජ තෙල් වලින් ක්‍රියාත්මක වන බලාගාරයකින් මෙගාවොට් 500 ක ධාරිතාවක් සපුරා ගැනීමට ගල් අඟුරු වලට සාපේක්ෂව වර්ෂයකට  රුපියල්  බිලියන 133 අතිරේක මුදලක් වැය කිරීමට සිදු වේ. කණගාටුවට කරුණ වන්නේ මෙම රුපියල් බිලියන 133 වැය කරනුයේ නව කර්මාන්තශාලා ඉදිකොට නව රැකියා ලබාදීමටවත්, නව විදුලි බලාගාර සදීමටවත් නොව පෞද්ගලික සමාගම් කිහිපයකට ඩිසල් මගින් හදිසි අවශ්‍යතාවය මත විදුලිය උත්පාදනය කිරීමට මුදල් ගෙවීමටය.


සැලසුම් කර තිබු එකම ගල් අඟුරු බලාගාරය අවලංගු කරන විට අපගේ දේශපාලන  නායකයන්  ජනතාව ඉදිරියේ (ජාතික ප්‍රතිපත්තියකින් තොරව ) නොයෙකුත් පුනර්ජනනීය (Renewable ) කතා මවා පැවද සැබෑවටම තිරය පිටුපස සිදුවන්නේ මෙයයි. මෙම අතිරේක රුපියල් බිලියන 133 වාර්ෂික ඩිසල් බලාගාර සඳහා ගෙවීම යනු සැම අවුරුද්දකම හම්බන්තොට ගුවන්තොටුපල වැනි ගුවන්තොටුපළවල් හතරක් සැදීමට ප්‍රමාණවත් මුදලකි.


කිසිදු වෙනත් සැලසුමක් නොමැතිව අවුරුදු ගණනක් තිස්සේ සැලසුම් කල විදුලි බලාගාරය අවලංගු කල රජය මුනිවත රකිමින් සිට, ජනවාරි 20 දින ගරු බලශක්ති හා පුනර්ජනනීය ඇමති -  රන්ජිත් සියඹලාපිටිය මාධ්‍ය සාකච්ඡාවකින් පැවසුවේ ඊළඟ මාස 6 වර්ෂාව අඩු වන විට විදුලිය කැපීම නතර කිරීමට (පෞද්ගලික ඩිසල් බලාගාර වලට මුදල් ගෙවීමට) රුපියල් බිලියන 50ක මුදලක් ඉල්ලා ඇති බවය.

ඉතින් මෙවැනි විනාශයක් අප ජාතික ආර්ථිකයට කරමින් පරිසරය සඳහා අප සාධාරණයක් ඉටු කරන්නේද කියා විමසා බලමු.

නිපදවන  තාප ඒකකයක් ( 1 Billion BTU) නිසා
පිට වන පරිසර දූෂණ වායු (රාත්තල් වලින්)
ගල් අඟුරු
ඛනිජ තෙල්
ස්වභාවික වායු
කාබන් ඩයෝක්සිඩ්
208,000
164,000
117,000
කාබන් මොනොක්සිඩ්
208
33
40
නයිට්‍රජන් ඔක්සයිඩ්
457
448
92
සල්ෆර් ඩයෝක්සිඩ්
2591
1122
0.6
දූවිලි අංශු (Particules)
2744
84
7
මුලාශ්‍රය - එක්සත් ජනපද බලශක්ති   EIA)


ඉහත වගුවෙන් පෙනෙන පරිදි අප ජාතික ආර්ථිකයට විශාල හානියක් සිදු කරමින් අප ගල් අඟුරු බලාගාරයක් අවලංගු කොට ඛනිජ තෙල් බලාගාර වලින් විදුලිය නිපදවීමට ඇති විශාල ධනස්කන්දයක් වැය කොට මිරිඟුවක්  පසු පස දුවමින් සිටින බවත් අපට නැවත වතාවක් වැරදී ඇති බවත් තේරුම් ගත යුතුය. (තවත් සිහි තබාගත යුතු කරුණක් වන්නේ ඉහත වගුවේ දැක්වෙන්නේ සාමාන්‍යයෙන් ගල් අඟුරු වලින් පිටවන වායු ප්‍රමාණයන් ය . ඉහල තාක්ෂණයක් භාවිතයෙන් එම විමෝචනය වන වායු පරිසරයට මුදා හැරීම පාලනය කල හැකිය - clean coal technology )


නැවත වතාවක් රටක් ලෙස  වැරදී ඇති බව පැවසුවේ අප අපගේ එකම ගල් අඟුරු බලාගාරය වන  නොරොච්චෝලේ බලාගාර ව්‍යාපෘතිය පමා කිරීම නිසා 2004 - 2014 කාල පරිශ්‍රය තුල අප ආර්ථිකයට සිදු වූ පාඩුව රුපියල් බිලියන 600 ක් වැනි විශාල මුදලකි (මුලාශ්‍රය - ආචාර්ය තිලක් සියඹලාපිටිය ). මෙම අති විශාල මුදල යොදාගෙන පරිසරය සුරැකීමට මෙන්ම අප රටේ දැවෙන ප්‍රශ්න වලට ප්‍රාග්ධන වියදම් ලෙස යොදා ගැනීමට තිබ්බේ නැද්ද යන්න තීරණය කිරීම බුද්ධිමත් පාඨක ඔබට භාර කරමි.

ගල් අඟුරු මගින් විශාල පරිසර දූෂණයක් වන බව සෑම විටම ජන මාධ්‍ය මගින් විවිද විශාරදයන් කරුණු දැක්වුවද එක්  පරිසරවේදියෙක් හෝ දැනට ක්‍රියාත්මක වන නොරොච්චෝලේ ගල් අඟුරු බලාගාරය අවට වායු දූෂණ වාර්තාවක් (ambient air quality report ) ලබා ගැනීමට හෝ  භූගත ජලය/මුහුදු ජලය සාම්පලයක් විශ්ලේෂණය කිරීමට ප්‍රයත්නයක් නොගැනීම කණගාටුවට කරුණකි. බලාගාරය අවට අඩුම තරමේ පස් සාම්පලයක් රැගෙන විශ්ලේෂණය කල පරිසර වේදියෙකු නොමැත. සියලුම ගල් අඟුරු ව්‍යාපෘති වලට විරුද්ධ වන්නන් කරනුයේ අන්තර්ජාලයෙන් ගල් අඟුරු වලින් සිදුවිය හැකි පරිසර දූෂණයක් හුව දැක්වීමක් මිසක අප රටේ නිසි අධ්‍යයනයක් නොකර සිටීමය.


අප මෙසේ අප ආර්ථිකයට විශාල පාඩුවක් කර ගනිමින් ඩිසල් බලාගාර සමාගම් කිහිපයක් පොහොසත් කරන විට කාර්මික වශයෙන් දියුණු රටක් වන අප බොහෝවිට අප පුනර්ජනනීය බලශක්තිය සඳහා උදාහරණයක් ලෙස යොදා ගන්න ජර්මනිය තවමත් එරටේ ජාතික විදුලි අවශ්‍යතාවයෙන් 44% නිෂ්පාදනය කරනුයේ ගල් අඟුරු භාවිතයෙනි.


moorburg_02.jpg


ඉහත ඡායාරූපයෙන් දැක්වෙන්නේ ජර්මනියේ ඇති නවතම මෙගාවොට් 1500 ක (සාම්පුර් යෝජිත බලාගාරය මෙන් තුන්ගුණයක් විශාල) ගල් අඟුරු බලාගාරයකි - මූර්බුග් බලාගාරය . මෙය ඉතා ඈත අතීතයේ ඉදි කල බලාගාරයක් නොවේ. මෙම බලාගාරය විවෘත කරන ලද්දේ 2015 වර්ෂයේදීය. තවත් වැදගත් කරුණ වන්නේ මෙම බලාගාරය පිහිටා ඇත්තේ යුරෝපයේ හරිත අග නගරය ලෙස පිදුම් ලැබූ හැම්බර්ග් නගරයේය! එම බලාගාරය පිහිටා ඇති ප්‍රදේශයේ සශ්‍රිකත්වයත් ජර්මනිය රටක් ලෙස ලබාගෙන ඇති සෞභාග්‍යත්වයත් දෙස බුද්ධිමත් පාඨක ඔබට විස්තර කිරීම අනවශ්‍යයයි සිතමි.


එහෙත් ශ්‍රී ලංකික අපි? සිතීම ඔබට බාරයි!

Wednesday, March 1, 2017

අපි ඇත්තටම Unique ද? අසමසම ද?





මට ඔබේ හිත කියවිය හැකියැයි මොහොතකට සිතන්න! 

එසේ නම් මා ඔබ ගැන මෙසේ පවසන්නම්!

ඔබ ඉතා මහන්සි වී වැඩ කරයි. නමුත් බොහෝ වෙලාවට අනෙක් අය  ඔබව අගය නොකරයි මන්ද ඔබ ඔවුන්ගේ අභිමතාර්ථයන් මුදුන් පත් නොකරන බැවින්. එසේ නමුත් ඔබ ඔබට ඉතාමත් වැදගත් දේවල් වෙනුවෙන් ඉතා මහන්සියක් සහ වෙහෙසක් දරයි. 

නැත - ඔබ සෑම විටම සම්ප්‍රදායික ක්‍රමවලින් සම්ප්‍රදායික රාමු තුල  සාර්ථක වන්නේ නැත - එයින් ඔබට කමක් නැත. මන්ද ඔබ අනෙකා සිතන දෙය ගැන වැඩි අවධානයක් යොමු නොකරන බැවින්.

පවතින ක්‍රමයන්, නිතී රීති හා සම්ප්‍රදායන් බොහොමයක් පවතින්නේ හේතුවක් ඇතිව බව ඔබ විශ්වාස කරයි. එම නිසා ඔබ ඒවා කඩන්නට හෝ ඒවාට අභියෝග කරන්නට පෙළඹෙන්නේ නැත. නමුත් ඔබ අභ්‍යන්තරයෙන් විශ්වාස කරන්නේ ඔබගේ ඇතුලාන්තය  (inner  voice ) ඔබට කියන/ හඟවන දෙය ඔබට  නිවැරදිව මගපෙන්වන බවයි. නමුත් අන් අයට ඔබ ඇතුලේ ඇති මෙම අතිමහත් ශක්තිය පෙනෙන්නේ නැත. එම නිසා අනෙක්  අය ඔබව අවතක්සේරු කරයි. නමුත් සමහර විටෙක ඔබ තුල ඇති හැකියාවන් ඔවුන්ව පමණක් නොව ඔබවද මවිත කරවයි.

ඔබ අලුත් දේවල් ඉගෙන ගැනීමට අසා කරයි - නමුත් ඔබ සැබවින්ම විස්වාස කරනුයේ අධ්‍යාපනය සෑම විටම කිසියම් රාමුවකට කොටු වී නොතිබිය යුතු බවත් අප ඉගෙන ගන්නා දෙයක්ම කිසියම් අරමුණකින් ඉගෙන ගත්ත යුතු නැති බවත් ය. 

ඔබ සෑම විටම නැති බැරි ඔබ තරම් වාසනාවන්ත නොවූ අයට උදවු කිරීමට කැමැත්තකින් පෙලේ. ඔබට සෑම විටම එසේ එවන් අයට උදවු කිරීමට නොහැකි වුවත් ඔබ සිත ඔවුන් කෙරෙහි දයානුකම්පාවෙන් පෙලේ. 

ජීවිතය ඔබට ඉතාමත් කටුක අවස්ථාවන් වලට මුහුණ පෑමට සැලස්වුවත් ඔබ සෑම විටකම එම වැටුණු වලවල් වලින් ඉවතටවිත් ජීවිතයේ ඉදිරියට ගමන් කරයි. 

ඔබ සෑම විටකම විශ්වාස කරනුයේ ඔබ නියත ආත්මශක්තියෙන් නොසැලී ඔබගේ අරමුණු වෙත අවධානය යොමු කරන්නේ නම් ඔබගේ අභිමතාර්ථයන් සියල්ල සඵල වන බවයි.  

ඉතා නුදුරු අනාගතයේදී එළඹෙන ඉතාම විශේෂ අවස්ථාවක් නිසා ඔබගේ පෞද්ගලික /වෘත්තීය ජීවිතයේ හොඳ කලක් උදා වනු ඇත. ඔබ ඉතා සැලකිල්ලෙන් එම අවස්ථාව එළඹෙන තෙක් අවධානයෙන් බලා සිටිය යුතුය!


"The Art of Choosing" නැමති පොතේ කොටසක සිංහල අනුවාදයකි. මෙම පොත ලියා  ඇත්තේ ශීනා ඉයෙන්ගර් නමැති අන්ධ ලේඛිකාවයි.